Më 25.10.2026, në orën 11:50, në Gostivar, punonjësit e policisë nga DPB Gostivar kanë privuar nga liria personin S.S. (33) nga një fshat i Gostivarit. Më parë, ai ishte denoncuar nga bashkëshortja e tij 48-vjeçare nga Gostivari se rreth orës 02:00, pas një fjalosjeje të shkurtër, kishte hyrë me dhunë në banesë, kishte dëmtuar derën e ballkonit dhe më pas e kishte sulmuar fizikisht dhe i kishte shkaktuar lëndime trupore. Ai është ndaluar në stacionin policor dhe pas dokumentimit të rastit do të pasojë parashtresë përkatëse.
