Eurokomesari për zgjerim, Johanes Hahn në një intervistë për gazetën greke “Ta nea”, shprehu bindje se mund të arrihet zgjidhje për emrin.
“Duke pasur parasysh përpjekjet e të dy liderëve me ndërmjetësimin e përfaqësuesit të Kombeve të Bashkuara, Methju Nimic, jam i bindur se mund të gindet zgjidhje. Se ku do të ndodhë ky vendim ende nuk e dimë por me rëndësi është që të ketë marrëveshje. E rëndësishme është që dy liderët të arrijnë kompromis që është i pranueshëm për të dyja palët. Zgjidhja nuk është e mirë vetëm për IRJM por edhe për tërë rajonin”, thotë Hahn në intervistën për “Ta Nea”.
