Gruevski: Nuk tërhiqem si kryetar i partisë

Ish kryeministri Nikolla Gruevski duke komentuar kërkesën për hetim të deputetëve të partisë së tij për ngjarjet e 27 prillit, e cilësoi atë si tërheqje të vëmendjes nga premtimet e Qeverisë së re. Sipas Gruevskit, gjithë çka do të bëjë kjo qeveri në gjashtë muajt e parë do të jenë akuzat ndaj VMRO-DPMNE-së me qëllim që të fshehin dështimet e tyre. Gruevski në një intervistë për Tv Alfa tha se nuk e ka në plan që të tërhiqet nga partia por do ta kthejë atë në Qeveri. Sa i takon premtimit të Zaevit për rizgjedhjen e gjykatësve dhe prokurorit publik Marko Zvërlevski, Gruevski tha se për këtë duhen 2/3 e votave të cilat nuk do t’i marrin asnjëherë.