Gjykata e Apelit Shkup sot duhet të mbajë seancë në të cilën do të vendos nëse filmimet nga masat e posaçme hetimore të publikuara në Jutjub mund të jenë dëshmi në rastin e “Ryshfeti”. Avokatët e Zaevit i kanë kërkuar Gjykatës Themelore Shkup 1 ky incizim të veçohet nga provat, sepse u publikua në disa media ndërsa bëhet fjalë për incizim sekret. Gjykata e hodhi poshtë kërkesën e tyre, pas së cilës parashtruan ankesë deri te Gjykata e Apelit. Zaev në “Ryshfet” është akuzuar se si kryetar i komunës së Strumicës, ka kërkuar ryshfet nga biznesmeni i Strumicës Ivan Nikollov, me vlerë prej 160 mijë euro për tokë ndërtimore në Strumicë. Seanca e ardhshme për “Ryshfetin” në Gjykatën Penale është caktuar për më 25 dhjetor.
