Një stadium Etihad që nuk ka pushuar kurrë së brohorituri dhe duartrokituri, shokët e tij të ekipit ia dedikojnë medaljen e nderit, ndërsa ai përparon drejt qendrës së fushës dorë për dore me fëmijët dhe gruan e tij.
Për Kevin De Bruyne ka ardhur momenti shumë i vështirë për t’i thënë lamtumirë dhjetë viteve të jetës në Manchester City.
Siç dihet, mesfushori 33-vjeçar belg mbërriti në Premier League në vitin 2015 nga Wolfsburg, pa e imagjinuar aventurën e mahnitshme dhe legjendare që do të përjetonte me kalimin e kohës.
Pep Guardiola nuk i mbajti dot lotët, duke ndjekur KDB-në me të gjithë ekipin, i cili bëri një xhiro në stadium për t’u thënë lamtumirë të fundit të gjithë tifozëve para lamtumirës së tij si transferim i lirë në fund të sezonit, pas ndeshjes jashtë fushe kundër Fulham.
Duke folur për legjendat, pas eventit të lamtumirës kushtuar De Bruyne, Manchester City njoftoi zyrtarisht vendimin për të ngritur një statujë jashtë stadiumit Etihad për njeriun i cili, në 421 paraqitje për klubin anglez, ngriti në qiell: një Ligë Kampionësh, gjashtë Premier League, dy Kupa FA dhe pesë Kupa Carabao, së bashku me tre Superkupa Angleze dhe një Kupë Bote për Klube.
Një gjurmë e pashlyeshme në historinë e qytetit, të Premier Ligës, si dhe në jetën e tij.
https://x.com/City_Chief/status/1924940320510509563?ref_src=twsrc%5Etfw%7Ctwcamp%5Etweetembed%7Ctwterm%5E1924940320510509563%7Ctwgr%5Ebfae335a03e61c1df89c5bc8fe4949c927723ceb%7Ctwcon%5Es1_c10&ref_url=https%3A%2F%2Fdosja.al%2Fsport%2Fgjesti-i-mancity-nje-statuje-per-de-bruyne-guardiola-nuk-i-mban-lotet-i440004
