Janë hedhur hapat e parë për ndërtimin e Xhamisë e Tophanës në Shkup, ku prej ditës së mërkurë (02.08.2017) ka filluar gërmimi i hapsirës për parking dhe bodrum, e cila sipas parashikimeve të firmës kontraktraktuese do të zgjasë dy javë. Sic është i informuar opinion, ndërtimin e kësaj xhamie do ta finansojë Dijaneti i Republikës së Turqisë. Projekti i Xhamisë së Tophanës do të zhvillohet në partneritetin e Bashkësisë Fetare Islame të Maqedonisë, Komunës së Çairit, dhe KOMASH-i si kompani e TDV-së. Xhamia do të ndërtohet me arkitekturë osmane dhe pritet që të përmbushë nevojat për muslimanët e kësaj lagje. Xhamia do të ketë kapacitet për 1500 persona, do të ketë dy minare dhe 7-8 kupola të vogla së bashku me kupolën qendrore të madhe.
