“Unë nuk premtoj një rrugë të lehtë. Por premtoj luftë. Dhe atë luftë do ta udhëheqim me kokën lart, me krenarinë që jemi trashëgimtarë të idesë së ASNOM-it për një Maqedoni të lirë, të drejtë dhe solidare,” – tha Venko Filipçe në tubimin e të rinjve socialdemokratë në Strumicë.
“Të rinjtë dhe anëtarët e LSDM-së janë ata që në momentet më të vështira e mbajtën fort vijën e kuqe të demokracisë. Sot, sërish ka ardhur koha të ngrihemi” – shtoi Filipçe.
Ai paralajmëroi se qeveria e VMRO-DPMNE-së po e shtyn shtetin drejt errësirës, partizimit, nepotizmit dhe abuzimeve, ndërsa qytetarët, veçanërisht të rinjtë, gjithnjë e më shumë ndjejnë se e ardhmja po u merret.
“Detyra jonë është e qartë – ta ngremë partinë, ta kthejmë shpresën dhe t’u tregojmë njerëzve se LSDM është forca që di ta ngrejë shtetin në këmbë” – deklaroi Filipçe.
Në atë mision, theksoi Filipçe, rol qendror kanë të rinjtë socialdemokratë dhe anëtarësia aktive.
“Energjia e tyre në terren, në çdo lagje, në çdo familje, është ajo që do ta zgjojë shpresën tek të zhgënjyerit dhe tek ata që kanë heshtur. Tani është momenti që sërish të bashkohemi, të ngrihemi dhe ta ndërtojmë fuqinë që do ta ndalë padrejtësinë dhe do ta kthejë shtetin në duart e popullit,” – porositi Filipçe.
