Zëvendëskryeministri për cështje ekonomike, Fatmir Bytyqi sot është takuar me përfaqësesit e Lidhjes së Odave Ekonomike të udhëhequr nga kryetarja Danela Arsovska, transmeton Almakos.
Në njoftimin zyrtar thuhet se Bytyqi ka premtuar përkrahje qeveritare për të tejkaluar problemet e shkaktuara nga pandemia Covid 19:
Në mënyrë që të vazhdoj dialogun në mes Qeverisë dhe sektorit të biznesit për të krijuar politika dhe masa për zhvillimin e ekonomisë së re dhe të qëndrueshme të Maqedonisë Veriore, sot kisha nderin të takohem me përfaqësuesit e Lidhjes së Odave Ekonomike të udhëhequr nga kryetarja Danela Arsovska.
I diskutuam të gjitha propozimet konstruktive që do t’i marrim parasysh gjatë krijimit të pakos së katërt të masave për të mbështetur ekonominë dhe qytetarët, duke u fokusuar në atë se si do të adresohen më mirë nevojat e grupeve më të prekura, për të kapërcyer sfidat e krizës socio-ekonomike të shkaktuar nga KOVID-19 .
