Kërçova u doli në ndihmë banorëve të përmbytur në lagjen Prilepska. Pas realizimit të zgjedhjeve në degën e Kërçovës, udhëheqja e re menjëherë filloi me realizim të projekteve dhe aktiviteteve humanitare. Ata ndërmorën dhe e kryen me sukses aksionin e parë humanitar në këtë qytet. Pas reshjeve të mëdha të shiut, në disa pjesë të Kërçovës u vërshuan shtëpitë. Duke u udhëhequr nga qëllimi për të cilin ekziston Organizata Humanitare “El Hilal”, kryesia dhe aktivistët e kësaj dege shpërndanë ndihma për 57 familje, të cilat ishin të prekura nga përmbytjet në lagjen të quajtur të Prilepit.Kryetari i degës, Ramazan Kanza theksoi se këto aksione, varësisht nga nevoja, edhe në të ardhmen do të vazhdojnë me kontributin e bamirësve kerçovarë.
