Sektori për luftë kundër terrorizmit pranë Departamentit për Shuarjen e Krimit të Organizuar dhe të Rëndë të BPM pranë MPB-së ka paraqitur kallëzim penal në Prokurorinë Themelore Publike Shkup kundër personave A.M. (58) dhe A.M. (28), të dy nga Shkupi, për shkak të dyshimit të bazuar se kanë kryer veprën penale – “Prodhim, mbajtje, ndërmjetësim dhe tregti të paautorizuar me armë ose mjete shpërthyese”.
Më saktësisht, dje (29.08.), mbi bazën e një urdhri gjyqësor, është kryer kontroll në shtëpinë ku banonin të dyshuarit, ku janë gjetur dhe sekuestruar disa objekte që burojnë nga vepra penale, si: pistoleta, pushkë, sasi e madhe municioni të llojeve të ndryshme arme, respektivisht kalibër 357mm, 7.62x39mm, 7.62x25mm, 9mm dhe fishekë gjuetie 12, si dhe një pajisje e improvizuar shpërthyese.
Me vendim të gjyqtarit të procedurës paraprake, ndaj të dyshuarve është caktuar masa e paraburgimit në kohëzgjatje prej 30 ditësh.
