Shkruan: XHABIR DERALLA
Mickoski nuk e fsheh nacionalshovinizmin e tij. Përkundrazi, me afrimin e kohës për vendime shtetërore të deputetëve maqedonas për të ardhmen evropiane, ai bëhet gjithnjë e më i nervozuar. Nacionalizmi është streha e fundit e çdo politikani të llojit të tij. Në mënyrë jokritike, sikur të ishin tabela, shumica e mediave i japin një platformë të hapur për të përhapur nacional-shovinizmin e tij, duke ndezur pasionet e njerëzve dhe duke ushtruar presion mbi deputetët e partisë që ai drejton.
Për çfarë bëhet fjalë? Kryeministri Kovaçevski, njëherësh lider i LSDM-së në pushtet, bëri thirrje për takim udhëheqësish në lidhje me proceset politike për të ardhmen e vendit e integrimit në BE. Nënkuptohet se çështja kryesore janë ndryshimet kushtetuese për të përfshirë në preambulën e Kushtetutës bullgarin dhe disa minoritete të tjera. Deri më tani, është një procedurë e zakonshme në një vend demokratik ku dialogu politik është një dukuri e rregullt. Por vetëm deri tani.
Mickoski e shfrytëzoi ftesën për dialog politik për marketing të ndyrë politik. Ai tha se pranon mbledhje lidershipi, por vetëm privatisht. Forca nacionaliste e lojës së tij mund të shihet në deklaratat dhe komentet e tij në media dhe rrjete sociale, në të cilat pika kryesore është se Kovaçevski ka frikë nga një takim ballë për ballë, veçanërisht për shkak se gjoja “po pret miratimin e Ali Ahmetit”, kreut të partnerit të koalicionit në pushtet, BDI-së.
“Gjatë gjithë javës shikojmë një telenovelë, ku me një dozë tensioni nga mediat mësohet nëse kryeministri do t’i dërgojë ftesë zyrtare kryesisë dhe më pas nëse Ali Ahmeti do të pranojë që Kovaçevski të diskutojë privatisht për të ardhmen e vendit të tij”, tha Mickoski në Kavadar këtë e përsëriti edhe në disa vende të tjera.
Kovaçevski ka frikë nga Ali Ahmeti – është konkluzioni që duhet të nxjerrë opinioni nga deklaratat e Mickoskit dhe nga komentet në media, të cilat flirtojnë me nacionalizmin radikal, nuk janë të panjohur për praktikën mediatike./Analiza e plotë.
