Është duke u rritur përqindja e daljes në komunat Dibër dhe Qendër Zhupë, por megjithatë krahasuar me raundin e parë, e mbajtur më 21 prill, është përgjysmuar, ndërsa në Zhupë për një për qind më e madhe.
Sipas kryetares të Komitetit Zgjedhor Komunal, Elmira Bakali deri në orën 13.00 të drejtën e votës e kanë realizuar 1.549 persona ose 9 për qind. Dy javë më parë dalja ka qenë 18 për qind ose të drejtën e kanë shfrytëzuar 3.259 votues nga të regjistruarit.
Në komunën Qendër Zhupë nga gjithsej 6.953 persona me të drejtë vote, kanë votuar 489 persona ose 7 për qind.
Në rrethinë e parë dalja ka qenë 6 për qind.
