“Perspektiva e parë, ndoshta më e rëndësishme në transformimin e ekonomive është që ato të investojnë në krijimin e produkteve që kanë qëndrueshmëri më të madhe dhe në të njëjtën kohë mund të riciklohen në mënyrë që i gjithë cikli të jetë i qëndrueshëm. Një moment kyç në këtë proces është investimi ynë në efiçencën e energjisë dhe prodhimin e energjisë nga burimet e rinovueshme. Heqja e përshpejtuar e lëndëve djegëse fosile është aspekti kyç dhe më jetik i tranzicionit të gjelbër. Kjo përfshin zgjerimin e përdorimit të energjisë diellore, të erës dhe hidroenergjisë, si dhe investime në teknologji dhe infrastrukturë me efikasitet energjetik, tha zëvendëskryeministri për Çështje Ekonomike, Fatmir Bytyqi, në seancën e parë “Transformimi i ekonomisë në vend dhe Niveli Kombëtar: Strategjitë, Sfidat dhe Perspektivat e Ekonomisë rrethore” në konferencën CIVIL me temë “Vizione për një të ardhme të gjelbër: Partneritet për qarkullim”./Lajmi i plotë.
