Qytetarët vauçerët që i takojnë pakës së katërt të masave anti Covid, do ti marrin brenda kësaj jave. Kështu premton ministri i Ekonomisë Kreshnik Bekteshi, gjatë prezantimit të punës 100 ditore të Ministrisë së Ekonomisë. Më tej edhe njëherë theksoi se afati i përdorimit të vauçerëve nuk do të jetë deri në 25 dhjetor siç fillimisht ishte menduar të jetë, por shfrytëzimi i tyre nuk do të ketë kufizim kohor.
Kreshnik Bekteshi, ministër i Ekonomisë 35:47
“Ne jemi të bindur se gjatë kësaj jave të gjithë qytetarët që janë të atyre kategorive që ju takon ndihma financiare do të mund ta marrin ndihmën, kur të përfundojnë të gjitha procedurat të Ministrisë së Financave dhe Drejtorisë së të Ardhurave Publike dhe me bankat ku ata I kanë xhirollogaritë. Pra, nuk ka afate qytetarët do të mund ti shfrytëzojnë ato kur ta kenë të nevojshme”.
