Pas vendimit të Departamentit Amerikan të Shtetit për të përfshirë në listën e zezë Artan Grubin, ish-zëvendëskryeministrin nga radhët e BDI-së, ka reaguar edhe vetë partia.
Në një deklaratë zyrtare, BDI shprehet se e respekton vendimin e DASH dhe thekson përkushtimin e saj të vazhdueshëm për të forcuar bashkëpunimin strategjik me Shtetet e Bashkuara të Amerikës.
“Bashkimi Demokratik për Integrim respekton vendimin e Departamentit të Shtetit të SHBA-së.
Si parti, mbetemi të përkushtuar ndaj bashkëpunimit strategjik me Shtetet e Bashkuara dhe ndaj forcimit të vlerave demokratike dhe transparences”, qëndron në reagimin e BDI-së.
