“Mirë se vini bashkëatdhetarë!” – Thirrje të zbrazëta nga një qeveri që, me vendime politike, ka fshirë ekzistencën dhe rëndësinë e diasporës shqiptare. Kështu thuhet në reagimin e BDI-së, ndaj koalicionit VLEN, ku, mes tjerash thuhet, se, kjo qeveri njëetnike nuk nguroi të manipulojë formulën e llogaritjes për shqiptarët, duke ulur përqindjen nga 29.4% në 24.5%, vetëm sepse refuzoi të përfshijë regjistrimin historik të diasporës në censusin e fundit.
“Ky vendim ka pasoja të drejtpërdrejta:
• Reduktimi i përfaqësimit të shqiptarëve në institucionet publike, duke përfshirë administratën shtetërore dhe organet vendimmarrëse.
• Shkurtimi i buxhetit për komunat shqiptare, pasi ndarja financiare nga buxheti qendror tani bazohet në një përqindje të ulur të popullsisë.
• Pakësimi i numrit të këshilltarëve komunalë në komunat shqiptare, duke cenuar zërin e komunitetit tonë në nivel lokal.
Ato dhjetra mijëra bashkatdhetarë që luftuan për t’u regjistruar, për të dëshmuar praninë dhe forcën e tyre, tani janë fshirë me një vendim të njëanshëm.
Diaspora shqiptare nuk është thjesht një numër.
Ajo është shtylla financiare e këtij vendi, duke dërguar miliarda remitanca për vite me radhë.
Ajo është lobimi politik që ka çuar përpara interesat e shqiptarëve në botë.
Ajo është identiteti ynë kombëtar, krenaria dhe lidhja jonë me rrënjët.
Por për këtë qeveri, diaspora nuk vlen. Me një vendim të vetëm, ata shumëzuan sakrificën e saj me zero.
Dhe tani, në prag festash, kanë guximin të hedhin slogane dhe lot krokodili, duke mirëpritur ata që i kanë fshirë nga çdo e drejtë dhe llogaritje.
Hipokrizia e “S’Vlen” nuk ka kufij! Por shqiptarët nuk harrojnë.
Diaspora është pjesë e pandashme e kombit dhe askush nuk mund ta fshijë atë nga historia dhe e ardhmja jonë.
Shkurt e shqip: Vleni S’Vlen!”, thuhet në reagimin e BDI-së.
Data 18.11.2026
Aktuale
- Burri i Miranda Hashanit konfirmoi ndarjen, por ajo bën veprimin e papritur – nuk po heq dorë nga familja
- Më në fund del në shesh krejt e vërteta, Sasa zbulon si qëndron raporti i saj me Klodin pas Big Brotherit
- Duhet patjetër ta dëgjojnë të gjithë – Elvis Naçi me një porosi shumë të fuqishme për burrat shqiptarë
- BOTA NË FOKUS | Gaza nën ujë: Një popull që nuk ka më ku të ikë!
- A e keni ditur se Resul Sinani ishte edhe këngëtar? I shkonte zëri goxha mirë
- Pati edhe shuplaka? Përplasje e ashpër mes reperëve Nichi dhe Fuego në Big Brother VIP Kosova (PAMJE)
- Votimi për ligjin e Gjykatës Speciale, një hap vendimtar për Kosovën
- “Ngjyra e kuqe shumë i ngjan”, Santiana shfaqet zjarr në këtë veshje


