Anders Aslund, ekonomist suedez dhe autor i librit mbi presidentin rus, Vladimir Putin, “Crony Capitalism: The Path from Market Economy to Kleptocracy”, postoi në Twitter një mesazh që mori nga një i njohur i tij në Rusi.
“Një i njohur nga Rusia më dërgoi një mesazh: ‘Po e presim mesazhin: Putini ka vdekur’”, shkroi Aslund në Twitter, raporton Zeri.info.
Ndërkaq, ai shkroi po ashtu se bota e lirë po qëndron në krah të Ukrainës.
“Putini e ka izoluar Rusinë me barbarinë e tij. Ngjarjet në Kiev do të jenë vendimtare. Nëse Putini nuk fiton atje, ai do të humbasë gjithçka. Unë besoj se do të humbasë gjithçka dhe meriton”, shkroi ai.
Në një postim tjetër, ai e quajti Putinin një “diktator bishë” që nuk e kuptonte fare pozicionin historik të popullit ukrainas. “A e dini kush ishin ushtarët më të mirë sovjetikë? Epo, ukrainasit. Putini do të ishte më mirë të mësonte një histori të vërtetë”, tha ai.
Ekonomisti suedez po merret vazhdimisht me situatën në Ukrainë, ndërsa ka thënë se ushtria ruse po tregohet amatore karshi asaj ukrainase.
“Kam parë disa raste kur dronet turq ‘Bayraktar’ kanë shkatërruar kolona të tilla dhe dy kur forca ajrore ukrainase ka bërë kështu (në Kherson dhe në veri të Kharkivit). Ushtria ruse duke vërtetë krejtësisht amatore. Kthim në Luftën e Parë Botërore”, shkroi në një tjetër postim Anders Aslund. /Zëri
