Atmosferë e zymtë dhe shtyrje të konferencave për shtyp. Kështu mund të përshkruhet gjendja në kampin e BDI-së. Ndryshe, nga rezultatet e publikuara deri më tani, në nivel republikan BDI po pëson disfatë kundrejt koalicionit “Rilindje me Besë”
Author: almakos
Gjatë konferencës për shtyp në selinë e PDSH-së, Bekim Fazliu tha se kanë hasur në presione në lidhje me blerjen e votave që tjetërson vullnetin e popullit, ndërkohë që të gjitha mediet tanimë e kanë lëshuar selinë e PDSH-së, edhe pse nga kjo parti kishin paralajmëruar edhe një paraqitje për mediat.
BDI e ballafaquar me humbje në Kumanovë është detyruar të mbyll shtabet. Një foto e arritur në redaksinë tonë flet për këtë fakt. Në Kumanovë fitore tek shqiptarët ka arritur koalicioni “Rilindje me BESË”. /SHENJA/
Zëdhënësi i LSDM-së, Petre Shilegov tha se ata kanë arritur fitore të madhe në Shkup, Kumanovë,m Strumicë, Strugë, Kavadar, Gostivar, Dibër dhe një numër të madh të vendeve tjera. Kjo sipas tij donë të thotë se “regjimi i Gruevskit është e kaluar”. Në selinë e LSDM-së po këndohet “Shutka nuk të ik Nikolla”, përcjell SHENJA.
Në konferencën për shtyp të koalicionit “Aleanca për shqiptarët”, Arben Taravari, tha se në disa fshatra të Kërçovës koalicioni i tij ka arritur të fitojë, ndërsa ka korrur rezultate të mira edhe në qytet të Kërçovës. Taravari gjithashtu tha se në Gostivar, në Negotinë, qëndrojnë afër me BDI-në. https://www.facebook.com/portalb.mk/videos/1209514239137911/
Komisioni Shtetëror Zgjedhor do të publikoj rezultatet e para rreth mesnatë, ka bërë të ditur në konferencën për shtyp, kryetari i KSHZ-së, Aleksandar Çiçakovski. KSHZ ende nuk ka publikuar numri e votuesve përfshirë orën 19:00
Burime nga partitë politike thonë se në vendvotimin në fshatin Nigishtan, koalicioni “Rilindje me Besë” ka marrë 244 vota, përkundër 217 votave sa ka marrë BDI-ja. Befason edhe LSDM-ja që ka arritur të marrë rreth 100 vota.
Nga votimet e numëruar në Studeniçan deri tani këto janë votat: BESA: 1910 BDI: 1045 PDSH: 1086 “Aleanca për shqiptarët”: 618 LSDM: 1388
Sipas informatave që vijnë nga partitë politike, në Shkollën “Imri Elezi”, ku ka më shumë vendvotime. Në njërën ndër vendvotimet, 118 ka marrë koalicionit 89 BDI-ja, ndërsa në një tjetër vendvotim, 150 vota ka fituar koalicioni “Rilindje me Besë”, ndërsa BDI ka marrë 127 vota. Ndërkohë, raportimet thonë se koalicioni “Rilindje me Besë” udhëheq në të gjitha vendvotimet që gjinden në këtë shkollë.
Zëdhënësi i VMRO-DPMNE-së, Ivo Kotevski në një deklaratë për shtyp, tha se Maqedonia sot ka votuar në mënyrë të qetë dhe dinjitoze. Ai shtoi se qytetarët duan që t’i jepet fund krizës politike në të cilën LSDM-ja e ka future shtetin. Ai tha se është i bindur në fitoren e koalicionit VMRO-DPMNE, raporton SHENJA.
Zëdhënësi i shtabit zgjedhor Orhan Murtezani, në një dalje për media tha se gjatë procesit të votimit janë evidentuar një morri shkeljes dhe presionesh nga ana e partisë shqiptare në pushtet BDI. Ai numëroi shumë shembuj në lidhje me pengimin e lirë të votës pothuajse në të gjita vendbanimet shqiptare. “Këto shembuj që i cekëm tregojnë se në çfarë kushtet janë zhvilluar këto zgjedhje dhe janë dëshmi se koalicioni ‘Rilindje me BESË’ është dëmtuar jo më pak se 50 për qind nga numri i votuesve”, tha Murtezani, raporton SHENJA.
Ora shënon 19:00 dhe me këtë, përfundon procesi zgjedhor në Republikën e Maqedonisë. Vendvotimet tanimë janë mbyllur, ndërsa nuk munguan parregullsitë e panumërta para dhe gjatë ditës së votimit. Parregullsitë janë raportuar nga monitoruesit por edhe nga Ministria e Brendshme, e cila gjatë ditës ka njoftuar edhe për arrestime. Gjithashtu, një ditë para zgjedhjeve, u raportua për aksione që ndërlidheshin me persona të dyshuar për blerje të votave. Kjo dukuri vazhdoi edhe gjatë ditës së sotme, ndërsa gjithashtu janë shënuar edhe parregullsi tjera, siç janë fotografimi i votës, agjitimi, por problemi kryesor në këtë cikël zgjedhor ka qenë lista zgjedhore, pasi…
