Në vitin e ri shkollor për herë të parë do të angazhohen asistentë arsimor edhe në shkollat e mesme. Sipas Ministrisë së Arsimit, fillimisht do të angazhohen 130 asistentë arsimor për fëmijët me nevoja të posaçme ndërkohë që numri I tyre do të rritet varësisht kërkesave të parashtruara me dokumentacionin e duhur. Ajshe Beqiri, edukatore speciale në gjimnazin “Zef Lush Marku” në Shkup tha se asistentët arsimor kanë ndikim dhe rol të rëndësishëm në arritjet e fëmijëve me aftësi ndryshe. Në një intervistë për Alsat, Beqiri tha se në këtë gjimnaz mësimin e ndjekin 10 fëmijë me nevoja të posaçme, 4 prej të cilëve kanë dokumentacionin përkatës.
