ASH: Punësimet, Qeveria diskriminon shqiptarët

Aleanca për Shqiptarët ka reaguar ndaj konkursit për punësim të Drejtorisë për Mbrojtje dhe Shpëtim. Kjo drejtori në krye me Adnan Xhaferovskin si kusht për punësim ka nënvizuar se i punësuari duhet të jetë maqedonas/e. Kjo sipas Aleancës është diskriminuese dhe në kundërshtim me Nenin 9 të Kushtetutës, sipas së cilit të gjithë qytetarët janë të barabartë në liritë dhe të drejtat e tyre. “Ftojmë urgjentisht, organet kompetente, Agjencinë për Administratë, Gjykatën Administrative dhe Qeverinë, të marrin masat e duhura juridike dhe penale, për ta tërhequr këtë konkurs, diskriminues dhe fashizoid, i cili jo vetëm që nuk respekton Kushtetutën dhe Ligjin për Marrëdhënie punë, por nxit edhe urrejtje ndëretnike, dhe godet mbi realitetin multietnik të vendit.”, thuhet në komunikatën e Aleancës për Shqiptarët.