ASH dënon sulmet ndaj gazetarëve: Të dënohen dhunuesit

Pas incidentit të mbrëmshëm ku u dhunua hazetari maqedonas Zoran Bozinovski, pronar i Burevesnik nga persona ende të panjohur, ka qenë partia më e madhe opozitare në vend Aleanca për Shqiptarët e cila ka reaguar duke i dal në mbrojtje dhe duke kërkuar zbardhje të rastit dhe dënim për dhunuesit.

Kjo nuk është rasti i parë që Aleanca për Shqiptarët u del në mbrojtje hazetarëve dhe mediave në vend, pasi e njejta reagoi edhe para disa muajve kur shteti po i bënte presione Alsat-M në lidhje me lokacionet ku ky televizion ka selinë duke shpreshur se profesioni i mediave është i shenjtë dhe duhet të mbetet i pacënuar.

Më poshtë ju sjellim reagimin e plotë të ASh-së:

“Të mbrohen gazetarët, të dënohen dhunuesit dhe të korruptuarit

Çdo formë sulmi kundër punonjësve të medias, qoftë verbale apo fizike, është shkelje e lirisë së informacionit dhe e të drejtës për t’u informuar dhe si e tillë, e vetë demokracisë.

Bëhet edhe më e patolerueshme kur sulmet e tilla targetojnë gazetarë që mbulojnë korrupsionin e nivelit të lartë dhe kanë zbuluar abuzime në zyrat më të larta të shtetit.

Përgjegjësit për sulme të tilla duhet të identifikohen dhe të ndëshkohen ashpër!”

– Aleanca për Shqiptarët –