Analisti Risto Nikovski vlerëson se platforma e përbashkët e partive shqiptare në Shkup e hartuar me ndihmën e Tiranës zyrtare cenon sovranitetin e Maqedonisë. Ish diplomati maqedonas i njohur për qëndrimet e tij nacionaliste thotë se kërkesat për zbatimin e dygjuhësisë në Maqedoni është e pamundur të realizohet në një shtet me karakter unitar. Ai vlerëson se të gjitha pikat e platformës janë çështje që çojnë vendin drejt federalizmit. Nikovski është i bindur se çdo tentativë për të ridenfinuar karakterin e vendin çon drejt konflikteve të reja.
Hartimi i një dokumenti bashkë me Ramën e shkel sovranitetin e shtetit tonë dhe kjo është cështja kryesore. Më pastaj, pjesë më e madhe e platformës është kundër karakterit unitar të shtetit dhe synon federalizmin, si psh kërkesa për dy dygjuhësinë është një e tillë, nuk ka një shtet unitar ku funksion dygjuhësia, të tilla janë federatat dhe konfederatat. Njësoj është edhe kërkesën e konsezualitetit që është një tipar tjetër i federalizmit. Poashtu edhe ndarja e buxhetit në baza etnike çon drejt federalizmit, koncept ky që do të shkonte në dëm të të gjithë qytetarëve – deklaroi analisti Risto Nikovski.
Sipas Nikovskit, përpjekjet e partive shqiptare për tu bashkuar janë të drejtuara kundër maqedonasve dhe nuk kanë lidhje me parimet e demokracisë. Por krejt ndryshe e shikon platformën analisti tjetër maqedonas Nenad Novkovski. Ai thotë se është për tu përshëndetur mënyra transparente e realizimit të këtij dokumenti ndryshe nga praktikat e deritanishme që marrëveshjet bëheshin në fshetësi. Megjithatë, sipas tij fillimisht partitë duhet të angazhohen për zgjidhjen e krizës së thellë politike, pasi vlerëson se pa normalizimin e situatës aktuale në vend, institucionet nuk kanë mundësi të zgjidhin probleme tjera.
Ne ndodhemi në një situatë kur fillimisht duhet të gjejmë zgjidhje për krizën e thellë politike që kërkon intervenim të shpejt. Pavarësisht së edhe çështjet tjera meritojnë vëmendje, megjithatë, të njëjtat mund ndikojnë në prolongimin e normalizimit të situatës dhe të mos gjendet zgjidhje për problemin kryesore që kemi në vend lidhur me ndëshkimin. Puna e parë që duhet të bëhet është që partitë të merren vesh që politikanët e inkriminuar të përgjigjen para drejtësisë. Pa ndryshuar situata aktuale, vështirë se mund të realizohen të drejtat e qytetarëve – u shpreh analisti Nenad Novkovski.
Ndonëse se pa afate për zbatimin e saj në praktikë, platforma e përbashkët e BDI-së, Besës dhe Aleancës parashikon avancimin e pozitës së shqiptarëve në Maqedoni./Alsat-m
Data 18.11.2026
Aktuale
- Rama: Nuk ka arsye për mospajtim, bullgarët duhet të përfshihen në kushtetutën e Maqedonisë së Veriut
- Diplomacia e Edmond Ademit në Spanjë, nga forcimi i marrëdhënieve dypalëshe deri te promovimi i perspektivës evropiane
- Jensen Huang: Pika më e dobët e sigurisë kibernetike është natyra njerëzore
- Nga Haga në Kosovë, ja sa herë u lejua Jakup Krasniqit të vije në atdhe – sot për shkak të gjendjen së rënduar të gruas
- Ndryshon ligji për sigurimin e makinave/ Më pak burokraci, më shumë para në xhep dhe dëmshpërblime brenda 14 ditësh
- Shaqiri: Shqiptarët po përballen me padrejtësi në ndarjen e investimeve kapitale
- Darko Kostovski përballet me kallëzim penal për parkun në Butel (VIDEO)
- Shaqiri: Shqiptarët po përballen me padrejtësi në ndarjen e investimeve kapitale

