Një alpinist çek e ka humbur jetën tek gryka e Demir Kapisë, duke u ngjitur në një shkëmb. Ai ka rënë nga një lartësi prej rreth 20 metra, me ç’rast ka marrë lëndime të rënda trupore. Ministria e Punëve të Brendshme sot konfirmoi se ka ndodhur aksident ku e ka humbur jetën 71 vjeçari S.P. nga Deçini, Republika e Çekisë. Aksidenti është denoncuar dje rreth orës 12 në Stacionin Policor në Negotinë. Ekipi i Stacionit Policor në Negotinë dhe nga ndihma urgjente mjekësore kanë dalë në vendin e ngjarjes ku e kanë konstatuar vdekjen. Shkak për rrëzimin, siç theksohet në kumtesën e policisë, është gabimi personal. Me urdhër të prokurorit publik, trupi i pajetë është dërguar në Institutin për mjekësi ligjore në Shkup për autopsi.
