Me 16.03.2019 rreth orës 23.50 në bulevardin ‘Aleksandri i Maqedonisë’ në Shkup ka ndodhur një aksident trafiku midis veturës së tipit ‘Reno megan’ me targa nga Shkupi e drejtuar nga A.M.D.(22) nga fshati Sopishte, Shkup dhe veturës së tipit “Opel vektra” me targa nga Shkupi, e drejtuar nga A.A.(22) nga Shkupi, transmeton Almakos.
Janë lënduar dy shoferët, si dhe N.A.(19) nga Shkupi dhe I.A.(22) nga Shkupi, bashkëudhëtar në veturën “Opel vektra” dhe bashkëudhëtarja në veturën “Reno megan” K.L.(20) nga Shkupi.
Të lënduarit nga vetura e tipit “Opel vektra” me veturën e Ndihmës së shpejtë janë dërguar në Kompleksin e Klinikave “Nënë Tereza” ku iu është dhënë ndihmë mjekësore. Derisa të lënduarit nga vetura “Reno megan” janë dërguar në Spitalin e përgjithshëm të qytetit “ 8 shtatori” ku iu është dhënë ndihmë mjekësore.
Kontroll në vendngjarje është kryer nga ekipi i SPB Shkup.
