Kryetari i BDI-së, z. Ali Ahmeti sot ka pritur në takim Presidenten e Republikës së Kosovës, znj. Vjosa Osmani, e cila ndodhet për vizitë zyrtare në Republikën e Maqedonisë së Veriut.
Në fokus të bisedës mes Ahmetit dhe presidentes Osmani ishin marrëdhëniet bilaterale mes dy vendeve, perspektiva europane, marrëveshja e arritur me Serbinë si dhe situata në rajon.
Duke e përgëzuar për procesin e liberalizimit të vizave si një hap shumë i rëndësishëm i Kosovës, Ahmeti dhe Osmani kanë theksuar se në këto çaste vendimtare për të ardhmen europiane të të dy vendeve, është me rëndësi përforcimi i bashkëpunimin dhe konsolidimit të veprimeve deri në finalizimin e qëllimeve.
Procesi i ndryshimeve kushtetuese është cilësuar si i domosdoshëm për rrugën europiane të cilën e ka nisur Republika e Maqedonisë së Veriut, ku kryetari Ahmeti e ka informuar presidenten Osmani mbi iniciativën e fundit ku të përfshirë janë të gjithë aktorët politikë dhe shoqërorë në vend.
Të dy bashkëbiseduesit kanë vlerësuar se Republika e Maqedonisë së Veriut dhe Republika e Kosovës bashkë duhet të përshpejtojë hapin drejt Europës, si alternativë e vetme për mbarë rajonin e Ballkanit Perendimor.
Ahmeti ka shprehur qëndrimin dhe mbështetjen për finalizimin me sukses të dialogut dhe njohjes së ndërsjellë mes Kosovës dhe Serbisë.
Data 18.04.2024
Aktuale
- Rritet në afro 34 mijë numri i palestinezëve të vrarë nga sulmet izraelite në Gaza
- Kush ia mbushi fytin me lira Mihrije Brahës
- Zgjedhjet Parlamentare/ Mickoski: Fushatë pozitive për të kthyer shpresën e qytetarëve!
- TV Alfa ushtron trysni ndaj ASHMAA
- “S’mundem ta quaj baba vetëm se ka fjetur me mamin! Edona rrëfen historinë me të atin
- (VIDEO) Burg i përjetshëm për burrin që vrau gruan me 40 goditje me thikë
- (VIDEO) VLEN premton gjysmë miliard euro për zhvillimin infrastrukturor të komunave
- Ali Ahmeti në seancën simuluese: U thyen barierat e fundit, vendi të ecë përpara