Ahmeti: Nuk ika nga gazetarët, kisha takim

Alsat 03.10.2020 15:57

Kreu i BDI-së Ali Ahmeti tha sot se nuk kam ikur nga gazetarët pas marrjes në pyetje në ndërtesën e PSP-së, për rastin “Regjistrimi”. Ai tha se ka pasur një agjendë dhe takimet i kanë filluar në orën 10, kur ishte planifikuar të vinte para prokurores Fatime Fetai dhe të thoshte atë që di për regjistrimin e dështuar në vitin 2011.

https://www.youtube.com/watch?v=4W2bCEc5Ydg&feature=youtu.be

Ahmeti, një ditë pas marrjes në pyetje në prokurori, theksoi se ka treguar se situata në atë kohë ishte e vështirë dhe e tensionuar dhe kishte përmasa etnike. Si deputetë në Kuvend, kanë ranë dakord që regjistrimi të ndalet në mënyrë që të mos krijohen probleme. Megjithëse Ahmeti nuk e gjen përgjegjësinë personale për regjistrimin e dështuar, dhe pretendon se ndalimi i regjistrimit të popullsisë është një vendim i Kuvendit. Prokuroria për dështimin e procesit të regjistrimit i dyshon kreun e BDI-së dhe të arratisurin NikoLla Gruevski. Prokuroria vlerëson se dëmi në buxhet me ndalimin e procesit është 2.8 milion euro. Sidoqoftë, Ahmeti ka një pozicion shumë të favorshëm dhe përfundimisht procedura kundër tij mund të ndalet. Arsyeja është se prokuroria me Ligjin e ri për Prokurorinë nuk do të jetë në gjendje të përdorë bisedat e përgjuara si dëshmi, të cilat hapën hetimin e “Regjistrimit”, bazuar në bisedat e përgjuara midis Ahmetit dhe Kryeministrit të atëhershëm, Gruevski. Derisa prokuroria ka për detyrë të zbulojë pse dështoi regjistrimi, BDI tani ka rënë dakord me partnerin e ri të koalicionit LSDM, për një regjistrim të ri të popullsisë në pranverën e ardhshme. Bojan Stojanovski