Agjencia e Mediave dënon kërcënimet ndaj TV SHENJA-s

Kërcënimet ndaj ekipit të televizionit Shenja nga persona që janë prezentuar si aktivist të BDI-së në lagjen Duqanxhik të Çairit, i ka dënuar edhe Agjencioni për veprimtari audio dhe audio vizuele. Nga agjencioni më i lartë për mbikqyrjen dhe punën e mediave, kërkojnë që askush të mos tentojë të pengojë gazetarët dhe mediat në punën e tyre. “Agjencioni për veprimtari audio dhe media audiovizuele e dënon  incidentin e djeshëm në Komunën e Çairit, ku ekipi i televizionit Shenja është ekspozuar në kërcënime nga ana e personave të cilët kanë deklaruar se janë simpatizant të një partie politike. Thelbi i profesionit të gazetarisë është të sigurojë që opinioni të jetë i informuar për të gjitha çështjet dhe që këtu, gazetarët nuk guxojnë të pengohen gjatë raportimit për çfarë do qoftë problemi, pa marë parasyshë nëse ai problem i tangon të gjithë qytetarët ose banorët e ndonjë bashkësie lokale”, thuhet në reagimin me shkrim të Agjencionit për veprimtari audio dhe audiovizuele. Në fund të reagimit Agjencioni apelon që të respektohet dinjiteti i punonjësve mediatik dhe të mundësohen kushte për punë profesionale të mediave.