Afrim Gashi takohet me Sekretarin e përgjithshëm të OSBE-së, z. Thomas Greminger

Sot, Sekretari i Përgjithshëm dhe Koordinatori i grupit parlamentar të Lëvizjes BESA, Afrim Gashi, në një takim të përbashkët me koordinatorët e partive tjera priti në Kuvend Sekretarin e përgjithshëm të OSBE-së, z. Thomas Greminger.
“Në këtë takim kryesisht është biseduar për situatën aktuale politike në të cilën ndodhet Maqedonia, me këtë rast z. Gashi e njoftoi z. Greminger për parregullsitë e vërejtura në zgjedhjet lokale, ku edhe një herë u deformua vullneti politik shqiptar, me çka krijohet një imazh i keq për Maqedoninë. Ku sistemi politik në vend nuk përputhet me realitetin shoqërorë dhe ajo prodhon një shtet jofunksional.
Gashi theksoi se Lëvizja BESA do vazhdojë të jetë konstruktive dhe në mbështetje të proceseve pozitive që do të ndodhin në vend, dhe njëherit e falënderoi ndihmën e OSBE-së por edhe misionin e saj në Shkup për punën e bërë”, thuhet në njoftimin e Lëvizjes BESA.