Sonte i ftuar në emisionin “Rruga Drejt” në Alsat –M, ka qenë kryetari i Alternativës, Afrim Gashi. “Në raport me atë se kush është i madh dhe kush është i vogël, ne duhet të angazhohemi dhe të punojmë për vlerat. Për mua është me rëndësi çfarë flasim ne, çfarë themi ne për shoqërinë dhe vlerat – në politikë jemi për të promovuar vlera shoqërore” ka thënë Gashi. Ai më tej ka vazhduar duke thënë: “Ne do të japim maksimumin që të bëjmë një proces të rëndësishëm – ne jemi në bashkëpunim me gjithë spektrin politik për të promovuar vlera dhe të iniciojmë një sistem të ri politik, por partneriteti politik duhet të ketë vlera dhe ne nuk i shkelim parimet tona nëse diskriminohen shqiptarët”, ka përfunduar kryetari i Alternativës, Afrim Gashi.
