Kryetari i partisë, Alternativa, Afrim Gashi përmes një telegram ngushëllimi ka shprehur dhimbjen e tij me tragjedinë e sotme që ndodhi në fshatin Rrahmanli të Kumanovës, ku në një aksident me bombolë gazi ndërruan jetë tre fëmijë, shkruan Almakos.
“Sot Kumanova ka zbardhur e ngrysur. Në fshatin Rramanli nuk do të dëgjohen më zërat e ëmbël të tre vogëlushve që humbën jetën si pasojë e shpërthimit të bombolës së gazit.
Ndjehem thellësisht i prekur nga kjo tragjedi e rëndë dhe lutem që Zoti t’i forcojë familjarët që ta përballojnë dhembjen e humbjes së tre ëngjëjve.”, shkroi Afrim Gashi./Almakos/
