Roman Abramovich mund t’i detyrohet HMRC-së një shumë prej 1 miliardësh funtesh (1.2 miliard euro) në taksa të papaguara.
Bashkëpunëtori i kahershëm i miliarderit rus, Evgeny Shvidler, dyshohet se ka kontrolluar kompani investimi nga Mbretëria e Bashkuar, duke ngritur pikëpyetje mbi detyrimet tatimore, shkruan theguardian.
Dokumentet sugjerojnë se Shvidler, i cili ndoqi Abramovich në Londër pas blerjes së Chelseat, ushtronte “kontrollin përfundimtar” mbi firmat offshore nga vitet 2004 deri në 2009.
Ai kishte fuqi përfaqësimi mbi kompani të Ishujve të Virgjër Britanikë (BVI) dhe merrte vendime investimi nga Mbretëria e Bashkuar.
Padia e SEC në vitin 2023 kundër Concord Management, firmë financiare e lidhur me Abramovich, tregon se Shvidler menaxhonte fshehurazi investimet e fondeve mbrojtëse për llogari të tij.
Nëse konfirmohet se Shvidler ishte në kontroll, autoritetet tatimore britanike mund të kërkojnë pagesën e taksave të papaguara, duke përshkallëzuar problemet ligjore dhe financiare të Abramovich.
