Prokuroria Themelore Publike në Manastir ka lëshuar urdhër për të zhvilluar procedurë hetimore kundër një 28-vjeçari për të cilin ekziston dyshimi i arsyeshëm se ka tentuar të privojë nga jeta gjyshen e tij. Policia sqaron se më 17 janar, pasi më parë e kishte bllokuar dhe mbyllur derën e përparme të shtëpisë me një sirtar, ai e kishte goditur gruan në kokë dhe trup me duar derisa ajo kishte rënë pa ndjenja.
PROKURORIA THEMELORE PUBLIKE MANASTIR
“Me goditjet, ai i shkaktoi asaj disa lëndime të rënda trupore, gjakderdhje dhe kontuzione të trurit, brinjë të thyera dhe shtrembërime të kockave, të cilat rrezikuan jetën e viktimës. Ndërkohë, deklaratat e disa prej dëshmitarëve tregojnë ndryshime të fundit në sjelljen dhe gjendjen mendore të të dyshuarit, të cilat ngrenë dyshimin se ai mund të vuajë nga ndonjë lloj sëmundjeje mendore”.
Pas incidentit, i dyshuari ka ikur, por i njejti është arrestuar pak kohë më vonë. Meqenëse një mendim eksperti sugjeron vëzhgim të mëtejshëm të të dyshuarit, me qëllim kryerjen e vlerësimit të tij mjekësor dhe ekzaminimit psikiatrik, prokurori publik ka propozuar që gjykata, me vendim të veçantë, pas përcaktimit të masës së paraburgimit.
Samir Mustafa /SHENJA/
