Gjithsej 17 persona kanë raportuar deri më tani simptoma helmimi pasi kanë ngrënë në kioskë-sanduiç në Shtip, e cila u mbyll përkohësisht nga Agjencia e Ushqimit dhe Veterinarisë (AUV) këtë fundjavë, transmeton Portalb.mk.
Numri i personave me simptoma të helmimit nga ushqimi deri dje ishte 15. Këta janë kryesisht nxënës dhe punonjës të shkollës së mesme të Shtipit që kanë ngrënë nga dyqani i sanduiçëve.
“Deri më tani janë regjistruar 17 raste, në disa prej tyre ‘Salmonella enteritidis’ është izoluar nga jashtëqitjet. 35 mostra janë marrë nga ushqimi, punonjësit dhe sipërfaqet e punës dhe janë dërguar në laboratorin e Institutit të Shëndetit Publik në Shkup”, tha epidemiologia Svetllana Zhivkova në një deklaratë për MIA-n.
Rezultatet e mostrave të marra priten ende.
AUV raportoi të dielën se një dyqan fast-food në Shtip është mbyllur përkohësisht pasi pesë persona shfaqën simptoma të helmimit nga ushqimi pasi kishin ngrënë sanduiçë me biftek pule.
