Banorët e rrugës “Jashar Erebara” të lagjes Gazi Babë së shpejti do të gëzojnë ujsjellësin e ri, kanalizimin, asfaltimin si dhe ndriçimin. Këtë e paralajmëroi Izet Mexhiti, kandidat për kryetar të Komunës së Çairit duke shtuar se këto projekte do ti gëzojnë të gjitha lagjet e kësaj komune. Mexhiti tha se investimet të cilat tashmë po realizohen në rrugën “Jashar Erebara” kapin shumën prej 3 milionë denarë.
“Sot punohet intenzivisht në rrugën, dikur 157 tanimë mban emrin “Jashar Erebara”. Këtu punohet ujsjellës I ri, kanalizim I ri, rrjet atmosferik I ri, asfaltim I ri dhe ndriçim I ri. Pra, është ndryshim rrënjësor I rrugës “Jashar Erebara”. Po punohet intenzivisht, mendoj që edhe shumë shpejt do të jetë në funksion që kjo pjesë e Gazi Babës, kjo pjesë e Çairit ta ketë infrastrukturën nëntokësore krejtësisht të re dhe ta mbyllim këtë problem”, tha Izet Mexhiti, kandidat për Çairin, VLEN. /Alsat.mk
