Policia e Tetovës mbrëmë në orët e vona të natës ka ndërhyrë në fshatin Pallçisht, duke arrestuar disa persona të dyshuar për keqtrajtim të kafshëve dhe organizim të përleshjeve të qenve.
Sipas burimeve policore, gjatë operacionit u zbuluan qen të lënduar dhe kushte të rënda në të cilat ata mbaheshin.
Sipas informacioneve, përleshjet organizoheshin në mënyrë të fshehtë, ku bastet ilegale ishin një pjesë kryesore e këtij aktiviteti kriminal. Banorët e zonës kanë raportuar për veprime të dyshimta prej disa kohësh, duke çuar në hetimin dhe ndërhyrjen e autoriteteve.
Policia e Tetovës ka bërë të ditur se hetimet po vazhdojnë dhe se personat e përfshirë mund të përballen me masa të rënda ligjore për keqtrajtimin e kafshëve dhe organizimin e aktiviteteve të paligjshme. Organizatat për mbrojtjen e kafshëve kanë kërkuar ndëshkime të rrepta për të ndaluar përfundimisht këtë fenomen.
