Vendimet e fundit të gjykatave për lirimin e disa rasteve të rëndësishme gjyqësore të lidhura me pushtetin nuk janë të rastësishme, por pjesë e një skenari të mirëkoordinuar politik për të shkatërruar themelet e shtetit të së drejtës dhe për ta vënë drejtësinë në shërbim të interesave të pushtetit. Kështu thuhet në reagimin e BDI-së, ku shtohet se emërimi i Adrian Demirit, një aktivisti të njohur të Vlen-it, si anëtar i Këshillit Gjyqësor nuk është rastësi.
“Ky është vetëm një hap tjetër në instalimin e eksponentëve të kësaj strukture brenda institucioneve të pavarura, duke e kthyer drejtësinë në një mekanizëm politik që shërben interesat e një qeverie të ndërtuar mbi mashtrim dhe manipulim.
Ashtu siç VLEN-i që u krijua për të shërbyer një agjende të caktuar politike, për të dobësuar shqiptarët dhe për të devijuar rrugën euroatlantike të vendit, tani po përdoret gjyqësori për të zhbërë vendimet e mëparshme dhe për të favorizuar individë të lidhur me pushtetin.
BDI nuk do të qëndrojë indiferente ndaj këtij procesi të rrezikshëm.
Kapja e institucioneve nga individë të instaluar politikisht nuk është vetëm një kërcënim për drejtësinë, por një kërcënim i drejtpërdrejtë për qytetarët në Maqedoninë e Veriut dhe për perspektivën evropiane të vendit.
I bëjmë thirrje bashkësisë ndërkombëtare, BE-së dhe partnerëve tanë strategjikë të ndërhyjnë dhe të mbikëqyrin këtë kapje të institucioneve”, thuhet në reagimin e BDI-së.
Data 11.07.2025
Aktuale
- “AlbControl” e ARRSH, si e “fryu” Belinda Balluku me tendera firmën “Alko Impex” të Arbër Abazit! Vetting zbardh skemën
- Apple sfidon dominimin e Samsungut me iPhone të palosshëm
- Reshje të rrëmbyeshme shiu godasin Kinën jugperëndimore, 5 të zhdukur në Siçuan
- Numri i të vdekurve nga përmbytjet në Teksas rritet në 120, operacioni i kërkim-shpëtimit vazhdon
- Masakra e Srebrenicës, varrosen 7 viktima në 30-vjetorin e gjenocidit
- Ngjarjet e rëndësishme që shënojnë ditën në Kosovë
- Hyn në fuqi rregullorja! Si bëhet aplikimi dhe dokumentacioni për vitet e punës para ‘93 për pension
- Modriç largohet pas 13 vitesh nga Madridi: “Do të jem gjithmonë tifoz me ju…”