Bashkimi Demokratik për Integrim dënon ashpër edhe aktin e djegies së flamurit shqiptar, që, sipas tyre, përbën një sulm të drejtpërdrejtë ndaj simboleve dhe dinjitetit të popullit shqiptar.
Këto veprime provokuese dhe të mbushura me urrejtje, thonë nga BDI, janë të papranueshme dhe përbëjnë një kërcënim për sërishjen ndëretnike dhe stabilitetin e vendit tonë.
“Gjithashtu, shprehim shqetësimin tonë për qasjen selektive dhe të njëanshme të policisë, e cila, sipas informacioneve të deritanishme, ka marrë masa vetëm ndaj qytetarëve shqiptarë të përfshirë në incidentet, ndërsa ata që dogjën flamurin shqiptar nuk janë ndëshkuar. Ky trajtim i pabarabartë jo vetëm që minon besueshmërinë e institucioneve, por edhe thellon mosbesimin ndërmjet komuniteteve.
U bëjmë thirrje organeve përgjegjëse që të veprojnë me paanësi dhe profesionalizëm, duke trajtuar në mënyrë të barabartë të gjithë pjesëmarrësit në këto incidente, pa marrë parasysh përkatësinë e tyre etnike. Ligji duhet të zbatohet njësoj për të gjithë, pasi vetëm përmes drejtësisë dhe transparencës mund të forcojmë besimin dhe të ruajmë stabilitetin në shoqërinë tonë.
Bashkimi Demokratik për Integrim mbetet i përkushtuar për mbrojtjen e dinjitetit të të gjithë qytetarëve dhe për promovimin e respektit të ndërsjellë, duke theksuar qartë se veprime të tilla të urrejtjes dhe padrejtësisë nuk do të tolerohen”, thuhet në reagimin e BDI-së.
Data 15.05.2025
Aktuale
- Negociatat midis Ukrainës dhe Rusisë sot: Me Zelenskyn, por pa Putinin
- E rëndë/ Aksident në Golem, makinë përplas për vdekje një grua që po kalonte trafik-ndarësen
- Arifi për vizitën e Costas në Kosovë: Nuk pati sinjal shumë pozitiv për largimin e masave
- BDI e shqetësuar: Përjashtimi i shqiptarëve nga lista për Guvernatorin e Bankës Popullore – cenim i frymës multietnike të shtetit
- Komunikacioni në Maqedoni, nuk ka vonesa në pikat kufitare
- Samiti europian, Tirana pret 47 liderët e kontinentit! Takimi i 6-të do të zhvillohet në sheshin “Skënderbej”, zbardhet agjenda
- PS thellon rezultatin me votat e Diasporës, siguron mbi 31 mijë më shumë! Ja si paraqiten rezultatet paraprake
- Maxharraj për fitoren e Ramës: Si fitoi çfarë bëri për të fituar e di vetëm ai!