Me datë 25.07.2024 në ora 13:25 në Stacionin Policor Gostivar është raportuar se në rrugën rajonale Gostivar-Çegran, në afërsi të fshatit Forinë, automjeti i pasagjerëve “Suzuki” me targa të Gostivarit, i drejtuar nga K.D (19) nga Austria, ka goditur këmbësorin Xh.I (71) nga fshati Forinë, dhe më pas mjetin e parkuar ,,Volkswagen Passat” me rarga kombëtare gjermane, në pronësi të I.E (63) nga fshati Forinë dhe një puntori vullkaner. Në aksident lëndime të rënda ka pësuar këmbësori, të cilat janë konfirmuar në Spitalin e Përgjithshëm të Gostivarit. Inspektim është kryer nga një ekip inspektues nga DPB-Gostivar.
