Në kuadër të aktiviteteve të vazhdueshme të ndërmarra nga SPB-Tetovë për rend dhe siguri më të madhe në komunikacion, dje (18-maj) në periudhën prej orës 18.00 deri në ora 24.00 është kryer aksion kontrollues për kundërvajtje të kryera nga drejtuesit e motoçikletave informon Tetovasot. Gjatë kontrollit janë zbuluar dhe sanksionuar 33 shkelje (TE-21 dhe GV-12), shumica e të cilave për mospërdorim të kaskës-helmetës mbrojtëse 28 (TE-16 dhe GV-12), 1 (TE) motoçikletë me datë të skaduar të regjistrimit, 1 (TE) me polisë sigurimi të skaduar dhe 1(TE) pa patentë shoferi, si dhe 15 (TE-11 dhe GV-4) kundërvajtje të tjera në komunikacion. Ndaj drejtuesve të mjeteve janë bërë parashtresa përkatëse.
SPB-Tetovë apelon drejtuesit e motoçikletave që me kohë t’i rinovojnë polisat e sigurimit apo regjistrimet e tyre, të mos ngasin motoçikletën pa e dhënë provimin për shofer, sepse çdo aksident trafiku që ka ndodhur me pjesëmarrjen e motoçikletës, pasojat përfundimtare kanë qenë gjithmon të rënda dhe kështu ato do të kontribuojnë për sigurinë personale dhe sigurinë e përdoruesve të tjerë të rrugës.
