Agjencia e Mbikëqyrjes Policore ka ndaluar një efektiv të uniformave blu në Tiranë, pasi dyshohet të ketë falsifikuar dokumente, duke ndihmuar kështu kandidatët përfitimin e padrejtë të studimeve në Fakultetin e Hetimit të Krimit në Akademinë e Sigurisë.
Sipas njoftimit, inspektori 29 vjeçar, i identifikuar si Gj.Gj., ka kryer veprat penale si më poshtë:
“Falsifikimit të dokumenteve”, “Falsifikimi i dokumenteve shkollore” dhe “Falsifikimi i vulave / stampave dhe formularëve”.
Hetimet ndaj rastit po vazhdojnë për implikimin e personave të tjerë në këtë veprimtari të paligjshme.
NJOFTIM
Shkodër, ndalohet një punonjës policie.
Në funksion të procedimit penal, referuar në Prokurorinë pranë Gjykatës së Shkallës së Parë të Juridiksionit të Përgjithshëm Shkodër, Agjencia e Mbikëqyrjes Policore ka ekzekutuar “Urdhërin e ndalimit të të dyshuarit për një krim” ndaj oficerit të policisë, Inspektor GJ.GJ., 29 vjeç, i dyshuar për kryerjen e veprave penale të “Falsifikimit të dokumenteve”, “Falsifikimi i dokumenteve shkollore” dhe “Falsifikimi i vulave / stampave dhe formularëve”.
Nga hetimet e kryera nën drejtimin e Prokurorisë, ka rezultuar se ai ka falsifikuar dokumentacione shkollore me qëllim përfitimin e padrejtë të studimeve në Fakultetin e Hetimit të Krimit në Akademinë e Sigurisë.
Vazhdojnë hetimet e thelluara për implikim të personave të tjerë në këtë veprimtari të kundraligjshme.
vijon…