Sot së bashku me disa anëtarë të SHBA “Karadaku”, dhe me përkrahjen e Nimetulla Osmanit, pastruam mbeturinat te pishat mbi Sllupçan.
Falënderojmë Haxhi Isuf Zimberi, pensionist nga Zvicrra i cili paraprakisht kishte pastruar pjesën më të madhe te Pishat.
Ky aksion simbolik i cili do të vazhdojë edhe herave tjera, ka për qëllim vetëdijësimin tonë për ruajtjen dhe mbrojtjen e natyrës!
Njëra prej shtyllave në të cilët ngritet aktiviteti jonë është “Kujdesi për natyrën”!
Apelojmë deri tek të gjithë qytetarët që vizitojnë Pishat mbi Sllupçan, po edhe vendet tjera që të janë të kujdesshëm ndaj pastërtisë në natyrë. Po ashtu, apelojmë deri te institucionet kompetente që të rrisin kujdesin dhe ekipet e tyre në pastrimin e ambienteve në natyrë.
Nuk ka jetë të shëndosh me një natyrë të ndotur!