Kryetari i Aleancës për Shqiptarët dhe kryetar i Komunës së Gostivarit, Arben Taravari, duke komentuar deklaratat e Izet Mexhitit për formimin e subjektit të ri politik, tha se këtë lëvizje politike nuk e sheh si rrezik për partinë e tij.
Ai i ka uruar sukses Mexhitit dhe ka shprehur shpresën se do ta realizojë atë që planifikon.
Mexhiti, nënkryetari dhe deputeti i fundit i BDI-së, më 17 korrik njoftoi se së bashku me deputetët Merita Koxhaxhiku dhe Kastriot Rexhepi do të formojnë një lëvizje të re politike, e cila zyrtarisht do të lansohet më 13 gusht. Mexhitii më pas ka sqaruar se subjekti i ri politik do të funksionojë në parim si parti. I pyetur nëse do të jenë të gatshëm për zgjedhje të mundshme të parakohshme, Mexhiti tha se për këtë arsye po nguten ta formojnë këtë lëvizje për të qenë të gatshëm për çdo lloj sfide që mund të lindë ndërkohë.
