Zëvendëskryeministri i parë i vendit, Artan Grubi në konferencën me temë “Përtej krizës…“Indikatorët për rritje të qëndrueshme”, tha se dy vitet e para të sajë, përcillen nga udhëkryqe. Ai tha se udhëkryqi i parë i kësaj conference ka qenë Covid-19 dhe I dyti është agresioni mbi Ukrainën.
“Parashikimet e pasakta, qofshin ato të nënvlerësuara apo të mbivlerësuara, sjellin komplikime shtesë. Prandaj, parashikimi është vendimtar për gjithçka në jetë dhe parandalon plasaritjet në topin e kristaltë të parashikimeve. Në ekonomi, paparashikueshmëria rrënon tregjet. Në jetë, paparashikueshmëria shkatërron planet. Në politikë, paparashikueshmëria rrëzon sisteme. Në rrethana normale, proceset politike kanë rezultate parashikuese, por jo kur bëhet fjalë për vendin tim. Këtu nuk mërzitesh kurë. Nëse aplikoni për anëtarësim në NATO, supozohet se ju duhet të përmbushni kriteret e NATO-së dhe t’i bashkoheni aleancës. Por jo dhe vendi im, ne duhej të ndryshonim Kushtetutën dhe emrin e shtetit për të merituar mëshirën e anëtarësimit”, tha Grubi.
Shtoi se një rezultat jo shumë i parashikueshëm.
“Nëse aplikoni për anëtarësim në Bashkimin Evropian, fillimisht duhet të plotësoni kriteret e Kopenhagës, por jo edhe vendi im, ne duhej të ndryshonim emrin kushtetues dhe kjo nuk mjaftoi, tani nga ne kërkohet përmes metodave të shekullit 18 dhe 19 të bëhemi diçka tjetër nga ajo se çfarë jemi, të pranojmë se flasim një gjuhë tjetër të huaj nga ajo të cilën ne e flasim aktualisht, në mënyrë që të meritojmë mëshirën e anëtarësimit pasi ne jemi duke sjellë në labirintin e Brukselit për 14 vjet tashmë.Gjithashtu, jo një rezultat shumë i parashikueshëm. Pra, asnjë parashikim nuk mund t’i di këto rrethana të paparashikueshme, të padëgjuara dhe të papara dhe për këtë arsye pasojat e tij janë afatgjata dhe shumëdimensionale, të vështira për t’u riparuar. Pasiguria ekziston dhe është një komponent themelor i mjedisit global, por padrejtësia dhe standardet e dyfishta janë kategori që vështirë se mund të përshtaten në çdo standard kur ato i referohen paqes, sigurisë, stabilitetit, demokracisë dhe integrimit”, shtoi ai.
Pohoi se rritja e qëndrueshme është gjithashtu shumëdimensionale dhe e ndërvarur. Sipas tij, indikatorët e rritjes përfshijnë parashikueshmërinë dhe një të ardhme bazuar në parime të qëndrueshme.
“Ne kemi nevojë që BE-ja dhe shtetet anëtare t’u përmbahen vlerave bazë dhe parimeve të saj në mënyrë që të shmangim lodhjen e shoqërisë dhe stagnimin e reformave, të cilat më pas do të ngadalësojnë rritjen dhe do të krijojnë rrethana të paqëndrueshme ekonomike. Sidoqoftë, me shi ose me diell, ftohtë ose nxehtë, ne duhet t’i përmbushim pritshmëritë. Prandaj me kënaqësi ju njoftoj se po ndërtojmë korridorin 8 dhe 10D si dhe autostradën Shkup – Bllacë, duke përfshirë autostradën Kërçovë – Bukojçan që kap vlerën totale prej rreth 1.7 miliardë euro në ekonominë tonë, për kompanitë tona dhe qytetarët”, përfundoi Grubi.
