Ish presidenti i Shqipërisë si Gruevski, akuzohet se ka syze të 60.000 eurove

Aktivistja Evi Kokalari ka kërkuar që Struktura e Posaçme Kundër Korrupsionit të hetojë ish-presidentin e Shqipërisë Bamir Topi, për syzet që ky i fundit ka. Në një postim në rrjetet sociale, Kokalari, e cila prej muajsh është bashkuar me Sali Berishën dhe nismën e tij për të rithemeluar Partinë Demokratike, pyet se ku i ka gjetur Topi 60,000 euro për syzet e diellit.

Kokalari sugjeron që Topi duhet të thotë ku e ka gjetur këtë shumë, ose Prokuroria e Posaçme duhet të nisë një investigim.

“Aman, ky Bamir Topi me 60,000€ syze dielli, bën mirë ta lërë këtë popull rehat. Jo mor jo, s’ke pse të dukesh i vobekt fare, por 60,000€ syze vetëm një njëri që se ka konceptin se si nxirren lekët me djersë mund ti harxhoi. Dhe miliarda të kesh, 60,000€ nuk harxhon njëri për syze dielli sepse është budallallëk me brirë. Tashti nëse vërtet kanë kushtuar aq, Bamir Topi bën mirë të na thotë ku i gjeti këto lek, dhe pse jo, SPAK të filloj një investigim”, shkruan Kolalari.

Ndryshe, në vitin 2015 ish kryeministri i Maqedonisë së Veriut, i arratisuri Nikolla Gruevski u fotografua në pushim në Izrael me syze të njëjta të markës Maybach. Në atë kohë Gruevski akuzohej në publik se ka blerë syze në vlerë të 60.000 eurove.