Sekretari i Përgjithshëm i Aleancës për Shqiptarët, Arben Taravari sot përmes një shkrimi ka akuzuar BDI-në se po tenton të përçajë strukturat e ASh-së. Ai shkruan se BDI ka nisur një “lum thashethemesh ndaj ASh-së”
“Sa herë që BDI-ja është në fund të saj çuditërisht nis fushatën e përçarjes, duke nxitur një lum thashethemesh për partitë që i ndjen kërcënim. Kështu ka nisur një valë kundër partisë më të madhe opozitare Aleanca për Shqiptarët. Kam një mesazh për BDI-në: E keni të kotë me ne! Asgjë dhe Askush nuk mund të na përçajë! Ne dolëm nga qeveria si askush tjetër në emër të vlerave që na bashkojnë, ndaj nuk mundet një parti e ndryshkur si BDI-ja të tund këto vlera!”, ka shkruar mes tjerash Taravari.
