Kryetari i Aleancës për Shqiptarët, Ziadin Sela sot nga Kuvendi duke folur në kuadër të debatit për ndryshimet kushtetuese tha se Maqedonia duhet të definohet edhe si shtet multietnik.
“Në fjalimet politike gjithandej e përdorim fjalën shoqëri multietnike, sepse realisht ashtu jemi, por pse mos të jemi shtet multietnik sepse ky është realiteti. Atëherë pse kjo mos të figuroj edhe në preambulën e Kushtetutës, pas fjalës Republika e Maqedonisë është shtet i pavarur dhe sovranë të shtohet fjala dhe shtet multietnik”, theksoi Sela.
Është hera e parë që një kërkesë e këtillë është hudhur si propozim në diskutimet rreth ndryshimeve kushtetuese.
Debati për ndryshimet kushtetuese po ndjeket me shumë interes nga opinioni për shkak të rëndësisë së momentit siç është karakterizuar si moment historik. (INA)
