Zendeli konfirmon: BESA pjesë e shumicës me 67 nënshkrime

Deputeti i Lëvizjes “Besa” Fadil Zendeli, në emisionin e sotëm “Arena” ka konfirmuar se grupi parlamentar i Lëvizjes “Besa” është pjesë e shumicës parlamentare që mbështetet nga 67 deputet. AI tha se kjo parti mbetet kozistente në qëndrimet e deritanishme dhe kontributin që jep për të debllokuar institucionet dhe për fillimin e reformave. “Mendoj se paraqitjet tona kanë qenë konstruktive dhe të qarta, ne jemi pjesë e 67 nënshkrimeve. Këtu nuk duhet të ketë dilema, ne e përkrahim procesin e ndryshimeve të cilat duhet të ndodhin në Kuvend. Kuvendi është vend ku duhet të debatohet, por për çdo gjë ka procedura, ka afate dhe pa prioritete. Mbledhja konstituive duhet të jetë një mbledhje solide, duhet të bëhet verifikimi i mandateve, por tash këtu gjithë situata ngeli në komisionin e zgjedhjeve dhe emërimeve”, deklaroi Zendeli. /SHENJA/