Rusia pretendon se trupat e saj kanë avancuar në lindje të vendit, duke thyer mbrojtjen në dy zona të fortifikuara në rajonin e Luhansk, ndërsa Kievi kërkon me urgjencë furnizime të reja me armatime. Kremlini ka intensifikuar sulmet rreth Ukrainës lindore dhe jugore gjatë javëve të fundit, mes paralajmërimeve të Kievit dhe Perëndimit për një ofensive të re madhore nga trupat pushtuese.Rusia ka përqendruar përpjekjet kryesore në qytetin e Bakhmut, në rajonin e Donjetsk. Presidenti Zelensky e përshkroi situatën atje si tejet të vështirë dhe tha se po luftohej për çdo metër territor. “Situata në frontin e luftës, veçanërisht në rajonet e Donjetsk dhe Luhansk mbetet shumë e vështirë. Betejat po zhvillohen për çdo metër të tokës ukrainase. Ukraina po konsumon predhat, me ritëm më të shpejtë nga ç’mund t’i prodhojë perëndimi dhe kërkon avionë lufte e raketa me rreze të gjatë për të përballuar ofensivën ruse e për të çliruar territorin e humbur.Shtetet e bashkuara dhe NATO u zotuan se ndihma nuk do të mungojë, gjatë një takimi të ministrave të mbrojtjes në Bruksel. “Presim një ofensivë të re madhore nga Rusia në pranverë. Ukraina po lufton prej një viti, prandaj do të bëjmë gjithçka të mundur për t’i siguruar municionet e nevojshme sa më shpejt”, tha Sekretari i Mbrojtjes Lloyd Austin.
Sipas “Wall Street Journal”, ushtria amerikane po vlerëson mundësinë e dërgimit të mijëra armëve të sekuestruara dhe më shumë se 1 milion municione qe besohet se ishin të destinuara për milicitë e mbështetura nga Irani në Jemen. Në një reagim të fundit, ministri i Jashtëm rus Sergei Lavrorv tha se politika e perëndimit për të transformuar Ukrainën në një bastion anti-rus, po arrin në një pikë pa kthim.
Data 19.07.2025
Aktuale
- VLEN: Çka po të pengon Medreseja, Bujar Osmani?!
- Takimi Kurti–Limaj: Shpresat për një Kuvend funksional rriten në prag të konstituimit
- Mbretëresha e Algoritmeve: Ai-Da krijon portretin e Mbretit Charles
- Bastisje në Kërçovë, privohen nga liria dy persona pasi posedonin lëndë narkotike
- LSDM publikon emrat e kandidatëve për 16 komuna në zgjedhjet lokale të tetorit
- Tentoi të hapë derën e avionit gjatë fluturimit pas një sherri me stjuardesen, ja kush është 23-vjeçari shqiptar që alarmoi pasagjerët (Emri+Foto)
- “Arsimi i lartë ka qenë një dramë!”- Prof. Dr. Et’hem Ruka: Universiteti Luarasi ishte ekselent që në fillim, po e mban me dinjitet vlerësimin
- Bashkëpunimi mes Universitetit “Luarasi” dhe “London School of Economics”, Prof. Dr. Et’hem Ruka: Sukses për Shqipërinë! Të rinjtë marrin diplomë elitare