Zaevi dhe Mickovski pasdite në Qeveri do ta kenë takimin e parë

Kryeministri dhe lider i LSDM-së Zoran Zaev dhe kryetari i ri i VMRO-DPMNE-së Hristijan Mickovski sot në Qeveri do ta kenë takimin e parë si liderë në të cilin do të përcaktohen hapat e ardhshëm të partisë opozitare. “Pas përfundimit të fjalimit të presidentit Ivanov pata takim mirësjelljeje me kryeministrin Zoran Zaev në të cilin kërkova sot të shihemi dhe menjëherë mora përgjigje pozitive, ashtu që dakorduam që të realizojmë një takim të shkurtër në të cilin do t’i përcaktojmë drejtimet e ardhshme të veprimtarive edhe të opozitës edhe të pozitës”, tha Mickovski. Theksoi se konstruktiviteti nuk guxon të jetë njëdrejtimësh, por dydrejtimësh. Sipas Mickovskit, vendimi për tërheqjen e Ilija Dimovskit, i cili ishte koordinator shumëvjeçar i deputetëve në Kuvend ka qenë personal.