Zaev në takim me ambasadorët, ky është mesazhi i tij për Ivanovin

Kreu i LSDM-së, Zoran Zaev, i shoqëruar nga nënkryetarja Radmilla Sheqerinska, ka takuar sot ambasadorët e Gjermanisë, Suedisë dhe Polonisë. Siç njoftojnë nga LSDM, në këtë takim është konstatuar se Maqedonisë i duhet një Qeveri stabile e cila do t’ju qaset sa më shpejtë reformave të nevojshme dhe rrugës euroatlantike. Zaev edhe një herë i ka kërkuar presidentit Ivanov që t’ia ndajë mandatin për formimin e Qeverisë, duke i apeluar kreut të shtetit që të mos humb më shumë kohë. “Maqedonia patjetër të ecë përpara. Nga zgjedhjet e fundit është I qartë vullneti i qytetarëve për ndryshime. Prandaj kërkuam nga presidenti Gjorgji Ivanov, qytetarët dhe Maqedonia të mos humbin kohë më shumë, të veprojë sipas Kushtetutës dhe të ma ndajë mandatin për formimin e Qeverisë së re. Ne presim që të formojmë shumicë të re parlamentare, me çka do të sigurojmë Qeveri stabile reformatore, siç vendosën qytetarët, ka thënë Zaev”, njoftuan nga LSDM.